Իրանի ԱԳ փոխնախարարը այցով մեկնել է Թուրքիա
Իրանի արտաքին գործերի նախարարի՝ Մերձավոր Արեւելքի հարցերով տեղակալ Հոսեյն Ջաբեր Անսարին օգոստոսի 3-ին մեկնել է Անկարա՝ բանակցելու թուրք պաշտոնյաների հետ: Այդ մասին ՌԻԱ Նովոստիին հայտնել է Իրանի ԱԳ նախարարության մի աղբյուր:
«Իրանի արտաքին գործերի փոխնախարար Հոսեյն Ջաբեր Անսարին Մոսկվա իր այցի ավարտից հետո ուղեւորվել է Թուրքիայի մայրաքաղաք Անկարա՝ հանդիպելու պաշտոնյաների հետ»,-ասել է աղբյուրը:
ՌԴ ԱԳ նախարարությունը նախօրյակին հայտնել է, որ Ռուսաստանի, Իրանի եւ Իրաքի արտաքին գործերի փոխնախարարներ Միխայիլ Բոգդանովը, Հոսեյն Անսարին եւ Նիզար Հայրալըն Մոսկվայում եռակողմ փորձագիտական հանդիպում են անցկացրել Սիրիայի շուրջ: Անսարին նաեւ հանդիպում է ունեցել ՌԴ պաշտպանության փոխնախարար Ալեքսանդր Ֆոմինի հետ:
