«Մահրեզն ուզում է խաղալ ԱՊԼ-ի թոփ-ակումբներից մեկում». Կրեյգ Շեքսպիր
«Լեսթերի» գլխավոր մարզիչ Կրեյգ Շեքսպիրը պատմել է ուժերն ԱՊԼ-ի մեկ այլ ակումբում փորձելու՝ Ռիհադ Մահրեզի ցանկության մասին:
«Աղվեսների» մարզիչը գտնում է, որ ալժիրցի կիսապաշտպանը, նախկինի նման, ուզում է հեռանալ ակումբից, իսկ հետաքրքրություն Մահրեզի նկատմամբ ցուցաբերում է «Ռոման»: Սակայն Մահրեզն ինքն ուզում է իր ուժերը փորձել Անգլիայի առաջնության թոփ-6 ակումբներից մեկում:
«Մահրեզը պլանավորում է խաղալ ԱՊԼ-ի թոփ-6 ակումբներից մեկում: Սակայն, եթե առաջարկ այդպես էլ չլինի, նա կմնա մեզ հետ: Եթե առաջարկը մեզ հարմար չլինի, և ղեկավարությունը չընդունի այն, Ռիհադը կմնա մեզ հետ»,- ասել է Շեքսպիրը:
2016-17թթ. մրցաշրջանում Ռիհադ Մահրեզն անցկացրել է 36 խաղ ԱՊԼ-ում, խփել է 6 գոլ և կատարել է 4 փոխանցում:
Պատրաստեց Անի Գաբուզյանը
