Նեյմարը բուժզննություն է անցել ՊՍԺ-ում
«Բարսելոնայի» հարձակվող Նեյմարն ավարտեց բուժզննությունը ՊՍԺ-ում:
Բրազիլացին բուժզննության է ենթարկվել Պորտուգալիայում՝ փարիզեցիների ակումբային բժշկի ներկայությամբ: Ըստ L’Equipe-ի տեղեկության, դեպի ֆրանսիական ակումբ ֆուտբոլիստի տրանսֆերի մասին պաշտոնապես կհայտարարվի ուրբաթ՝ օգոստոսի 4-ին:
Ավելի վաղ հաղորդվել էր, որ Նեյմարը փարիզեցիների հետ կստորագրի 5 տարվա համար նախատեսված համաձայնագիր՝ շաբաթական 575 հազար եվրո աշխատավարձով: «Բարսելոնան» ինքը նախօրեին հաստատեց, որ Նեյմարը ցանկանում է հեռանալ ակումբից:
ՊՍԺ-ն ֆուտբոլիստի տրանսֆերի համար պետք է վճարի 222 մլն եվրոյի չափով հրաժարագին:
Պատրաստեց Անի Գաբուզյանը
