Յունկերը հեգնանքով է մեկնաբանել Թրամփի վարչակազմի աշխատանքի կազմակերպումը
Եվրահանձնաժողովի նախագահ Ժան Կլոդ Յունկերը հեգնանքովէ մեկնաբանել ԱՄՆ-ի նախագահ Դոնալդ Թրամփի վարչակազմի աշխատանքի կազմակերպումը, որտեղ վերջին երկու շաբաթներին մի շարք կադրային վերադասավորումներ են տեղի ունեցել։
«Դա ցնցող է,- ասել է ԵՀ-ի ղեկավարը Politico թերթին տված հարցազրույցում, մեկնաբանելով, մասնավորապես, Սպիտակ տան հաղորդակցությունների գծով տնօրեն Էնթոնի Սկարամուչիի պաշտոնաթողությունը:- Մենք ավելի լավ ենք կազմակերպված, քան Թրամփի վարչակազմը, որովհետեւ ներքին ինչ-ինչ բարդությունների դեպքում մենք դրանք լուծում ենք անձնական զրույցների ճանապարհով՝ մարդկանց աշխատանքից ազատելու փոխարեն», հաղորդել է ՏԱՍՍ-ը:
