Էրդողանը Թուրքիայի զինված ուժերի հրամանատարությունում նոր նշանակումներ է կատարել
Ռեջեփ Թայիփ Էրդողանը նոր նշանակումներ է կատարել Թուրքիայի զինված ուժերի հրամանատարությունում: Այս մասին հայտնում է թուրքական «Հուրիյեթ» պարբերականը:
Գեներալ Յաշար Գյուլերը նշանակվել է Թուրքիայի ցամաքային զորքերի հրամանատար, գեներալ Հասան Քյուչուքյըլդըզը` ռազմաօդային ուժերի և ադմիրալ Ադնան Յոզբալը ռազմածովային ֆլոտի հրամանատար:
Թուրքիայի զինվորական օրենքների համաձայն` Յաշար Գյուլերը, ով ներկայումս ցամաքային զորքերի հրմանատարն է Թուրքիայի Գլխավոր շտաբի ներկայիս պետի` Հուլուսի Աքարի թոշակի գնալուց կամ հրաժարական տալուց հետո փոխարինելու է նրան:
Թուրքիայի Գերագույն ռազմական խորհրդի հանդիպումը տեղի է ունեցել օգոստոսի 2-ին, ինչի ժամանակ էլ տեղի են ունեցել այս նշանակումները:
Ներկայումս Գերագույն ռազմական խորհրդում ներառված է 4 զինվորական և 10 քաղաքացիական պաշտոնյա:
Խորհրդում զինվորականների թիվը պակասել է 2016-ի հուլիսի 15-16-ին տեղի ունեցած ռազմական հեղաշրջման փորձից հետո և հավաքվել է նոր կազմ:
