Ժամանակավորապես կդադարեցվի Հայաստանի գազամատակարարումը
Օգոստոսի 3-ից 30 օրացուցային օրով կդադարեցվի Հայաստան բնական գազի մատակարարումը: Այս մասին տեղեկանում ենք «Գազպրոմ Արմենիա»-ի հասարակայնության և զանգվածային լրատվության միջոցների հետ կապերի ծառայությունից: Ըստ հաղորդագրության` գազի մատակարարումը կդադարեցվի Հյուսիսային Կովկաս-Անդրկովկաս մայրուղային գազատարի վրա շինարարական աշխատանքներ իրականացնելու պատճառով:
Հանրապետության սպառողների գազամատակարարումը կիրականացվի առանց սահմանափակումների:
