Օձ՝ Ջրվեժում. մեկնել է հատուկ նշանակության փրկարարական աշխատանքների կենտրոնի ջոկատը
Օգոստոսի 2-ին, ժամը 08:37-ին ահազանգ է ստացվել, որ Կոտայքի մարզի Ջրվեժ գյուղի 15-րդ փողոցի թիվ 10 տան մոտակայքում նկատվել է օձ, որին բռնելու և անվտանգ տարածք տեղափոխելու համար անհրաժեշտ է փրկարարների օգնությունը: Այս մասին հայտնում է ՀՀ արտակարգ իրավիճակների նախարարությունը։
Դեպքի վայր է մեկնել հատուկ նշանակության փրկարարական աշխատանքների իրականացման կենտրոնի փրկարարական ջոկատը: Փրկարարները հայտնաբերել են սահնօձ տեսակի օձ և տեղափոխել անվտանգ տարածք:
