Լոս Անջելեսում կրակել են Չինաստանի հյուպատոսարանի վրա. Los Angeles Daily News
Լոս Անջելեսում (Կալիֆոռնիայի նահանգ) անհայտ անձը օգոստոսի 1-ին կրակ է բացել Չինաստանի հյուպատոսության շենքի վրա, ինչից հետո ինքնասպան է եղել: Այդ մասին հայտնել է Los Angeles Daily News թերթը:
Նրա տվյալներով՝ հարձակվողը, որը մոտավորապես 60 տարեկան էր, կրակելէ իր ավտոմեքենայի պատուհանից: Միջադեպի հետեւանքով հյուպատոսարանի աշխատակիցներից եւ անցորդներից ոչ մեկը չի տուժել:
Ոստիկանության տվյալներով՝ հարձակվողը 18 կրակոց է արձակել հյուպատոսարանի դարպասին, դռներին ու պատերին: Ինչպես իր կայքում հայտնել է Huanqiu Shibao չինական հրատարակությունը, չարագործը ՉԺՀ-ի քաղաքացի էր:
Ներկայում ոստիականությունը պարզում է հարձակվողի գործողությունների դրդապատճառները, հաղորդել է ՏԱՍՍ-ը:
