Հարավային Կովկասում Եվրամիության հատուկ ներկայացուցիչը պաշտոնաթող է լինում
Հերբերտ Զալբերը օգոստոսի 15-ից կթողնի Հարավային Կովկասում Եվրամիության հատուկ ներկայացուցչի իր պաշտոնը, ինչի մասին հայտնել է ՌԻԱ Նովոստին՝ հղում անելով ԵՄ-ի մի աղբյուրի:
«Նա պաշտոնաթող է լինում օգոստոսի 15-ից, ներկայում նրան փոխարինող են փնտրում», ասել է գործակալության զրուցակիցը։
Նրա խոսքով՝ Եվրամիության երկրներն արդեն իրազեկված են Զալբերի պաշտոնաթողության մասին: Փոխարինողի նշանակման ընթացակարգը կարող է տեւել մեկից մինչեւ երեք ամիս, ընդ որում երբ պաշտոնաթող եղավ ֆրանսիացի Ֆիլիպ Լեֆորը, հատուկ ներկայացուցչի փոխարինումը տեւեց հինգ ամիս:
