«Մենք համակրում ենք պարոն Թրամփին». Պուտինը բացատրել է՝ ինչու է Ռուսաստանը համակրում Թրամփին
Ռուսաստանը համակրում է ԱՄՆ-ի նախագահ Դոնալդ Թրամփին, որովհետեւ նա հայտարարել է հարաբերությունները վերականգնելու պատրաստակամության մասին: Այդ մասին ՌԴ նախագահ Վլադիմիր Պուտինն ասել է ամերիկացի ռեժիսոր Օլիվեր Սթոունին տված հարցազրույցում:
«Իհարկե, մենք համակրում էինք պարոն Թրամփին եւ այժմ էլ համակրում ենք, որովհետեւ նա հրապարակավ հայտարարել է ռուս ամերիկյան հարաբերությունները վերականգնելու իր պատրաստակամության ու ցանկության մասին»,- նշել է Պուտինը:
«Մենք, իհարկե, պետք է տեսնենք՝ գործնականում ինչպես կզարգանան հարաբերությունները մեր երկրների միջեւ: Նա խոսում էր տնտեսական կապերի վերականգենման, ահաբեկչության դեմ համատեղ պայքարելու մասին, միթե դա վատ է»,- հայտարարել է ՌԴ նախագահը:
Սթոունի «Պուտինի հարցազրույցը» չորմասանոց ֆիլմն այս շաբաթ ցուցադրում է Showtime ամերիկյան հեռուստաալիքը: Ֆիլմից հատվածներ Է մեջբերում Salon.com լրատվական կայքը, հաղորդել է ՌԻԱ Նովոստին:
