«Հիվանդանոցները պետք է սեփականաշնորհվեն». Արա Բաբլոյան

ԱԺ նախագահ Արա Բաբլոյանն այսօր ԱԺ-ում անդրադարձավ բժշկական հաստատությունների մասնավորեցման խնդրին։ Նա թվարկեց մասնավոր և առաջատար բժշկական հաստատությունների անունները և նշեց. «Կարո՞ղ եք պետական մի բժշկական հաստատության անուն տալ, որ կարող է ոտք մեկնել այս հաստատությունների հետ և մրցակցել»։

Բերելով Արաբկիր բժշկական հաստատության օրինակը, որտեղ Բաբլոյանը գիտական ղեկավար է, նշեց, որ սկզբից ուզում էին 1000-ից մի փոքր ավելի, բայց հիմա տասնյակ-հազարավոր հիվանդներ ունեն, որոնք մշտական հսկողության տակ են. «Արաբկիր բժշկական համալիրը 2011թ. պետության բաժնեմաս է տվել 19 մլն դրամ, 2012թ.՝ 43 մլն դրամ, 2013թ.՝ 46 մլն դրամ, 2014թ.՝ 46.3 դրամ, 2015թ.՝ 47 մլն դրամ, 2016թ.՝ 29 մլն դրամ։ Իր 7%-ը պետությունը սեփականաշնորհում է, որովհետև ունի 199 մլն բաժնեմաս։

Դուք պետք է հասկանաք նպատակը, մենք ուրիշ ճանապարհ գտանք։ Երբ հիվանդանոցները տվեցինք Բժշկական համալսարանին, իհարկե, դա սեփականաշնորհում չէր, բայց առողջապահությունից տվեցինք կրթությանը, որովհետև գիտեինք՝ կա մասնավոր ռեսուրս, որ վերցնում են կրթության համար, և պետք է բարելավեն, որ կրթությունը լավ լինի»։

Բաբլոյանը նկատեց՝ հիվանդանոցները պետք է սեփականաշնորհվեն. «Ուղղակի մենք պետք է աշխատենք պայմանները հստակեցնելու համար»։