Արցախի գյուղնախարարության աշխատակիցներն ուսումնասիրել են կարկտահարությունից տուժած ցանքատարարածություններ
Արցախի Հանրապետության գյուղատնտեսության նախարարության աշխատակազմի բուսաբուծության և բույսերի պաշտպանության բաժնի պատասխանատուներն այցելել են Ասկերանի, Մարտակերտի և Մարտունու շրջանների համայնքներ՝ ուսումնասիրելու կարկտահարությունից տուժած գարնանացան և աշնանացան մշակակաբույսերի ցանքատարարածությունները:
ԱՀ գյուղնախարարության մամլո ծառայության փոխանցմամբ՝ նախարարության աշխատակիցները եղել են կարկտահարված ցանքատարարածություններում, ծանոթացել տեղացած կարկուտի պատճառած վնասներին, զրուցել հողօգտագործողների հետ, լսել նրանց մտահոգությունները ստեղծված իրավիճակի վերաբերյալ:
Հանձնարարվել է շրջանների գյուղբաժինների պատասխանատուներին՝ սեղմ ժամկետներում իրականացնել ճշգրտումներ՝ հասցված կորստի չափերի վերաբերյալ և կարկտահարությունից տուժած մշակաբույսերի անվանացանկը ներկայացնել նախարարություն, ինչպես նաև ցուցաբերել անհրաժեշտ խորհրդատվություն:
