Կարկուտ` Լոռու մարզում. «ՀԺ»
«Հայկական ժամանակ» օրաթերթը գրում է. «Լոռու մարզի Ծաղկաշատ և Ծաթեր համայնքներում երեկ տեղացել է կարկուտ։ «Հիմա ցեխ է, չենք կարողանում մտնել դաշտերը, որպեսզի պարզենք վնասի չափը»,- մեր թղթակցի հետ զրույցում ասել է Ծաթերի համայնքապետ Միշայիլ Ղալայանը։
Ըստ համայնքապետի՝ կարկուտը տեղացել է մոտ 20 րոպե։ Այս համայնքներում հիմնականում կարտոֆիլի և ցորենի մշակմամբ են զբաղվում։ «Կարտոֆիլի ծիլերը նոր էին դուրս եկել»,- ասել է Ղալայանը և հավելել, որ կարկուտը տեղացել է միայն 40 հեկտարի վրա, մյուսները համեմամտաբար քիչ են վնասվել։
Ամբողջությամբ կարող եք կարդալ «Հայկական ժամանակ» օրաթերթի այսօրվա համարում։
