Օբամեյանգը ցանկանում է հեռանալ Գերմանիայից
Դորտմունդի «Բորուսիայի» ֆուտբոլիստ Պիեր-Էմերիկ Օբամեյանգի՝ Մանչեսթեր Յունայթեդ» տեղափոխությունը դառնում է ավելի հավանական: Ըստ գերմանական Bild-ի՝ ֆուտբոլիստն ակումբի ղեկավարությանը հայտնել է, որ ցանկանում է հեռանալ թիմից:
Ինչպես ավելի վաղ տեղեկացրել էինք, «Մանչեսթեր Յունայթեդն» առաջարկություն էր արել դորտմունդյան ակումբին, և Օբամեյանգի տրանսֆերի այս տարբերակը համարվում է ամենահավանականը:
Նշենք նաև, որ Օբամեյանգի պայմանագիրը դորտմունդյան ակումբի հետ գործում է մինչև 2020 թվականը:
Օբամեյանգին իրենց կազմում ցանկանում են տեսնել մի շարք ակումբներ, բայց ամենից շատ շրջանառվում է «Մանչեսթեր Յունայթեդի» և Մադրիդի «Ռեալի» անունները:
Սիրարփի Աղաբաբյան
