Ռազմական համագործակցության պայմանագիր՝ Թուրքիայի և Արաբական Միացյալ Էմիրությունների միջև
Թորքիայի կառավարությունը վավերացրել է Արաբական Միացյալ Էմիրությունների (ԱՄԷ) հետ կնքած պայմանագիրը ռազմական արդյունաբերությունում համագործակցելու մասին:
Այդ մասին տեղեկացվել է թուրքական «Resmi Gazete» պաշտոնաթերթով: Համաձայն վերոնշյալ պայմանագրի՝ կողմերը զարգացնել պաշտպանական համատեղ արդյունաբերության հնարավորությունները: Նպատակ է դրվել համագործակցել ոչ միայն պաշտպանական արդյունաբերությունում, այլև մի շարք այլ ոլորտների արդյունաբերությունում:
Աղբյուրը նշում է, որ կողմերը համագործակցելու են մասնավորապես զինամթերքի, զենքերի պահեստամասերի, տեխնիկական սարքավորումների արտադրության, վերանորոգման, արդիականացման համատեղ ուսումնասիրությունների հարցերի շուրջ: Կողմերը համագործակցելու են նաև գիտության ասպարեզում, որն ուղղվելու է դեպի ռազմական ոլորտ:
Պաշտպանական ոլորտում համագործակցությունը սկսելու համար կստեղծվի համապատասխան հանձնաժողով, որի կազմում կլինեն երկու երկրների ներկայացուցիչները հավասար քանակով:
