Հենրիխ Մխիթարյանը ճանաչվեց Եվրոպայի լիգայի եզրափակչի լավագույն ֆուտբոլիստ
Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանն ՈւԵՖԱ-ի պաշտոնական կայքում անցկացված քվեարկության արդյունքներով ճանաչվեց Եվրոպայի լիգայի եզրափակչի լավագույն ֆուտբոլիստ: Մխիթարյանը քվեարկության արդյունքներով ստացել է ձայների 42 տոկոսը, Պոլ Պոգբան՝ 34, Անդեր Էրերան՝ 11, Մարուան Ֆելաինին՝ 10, Մատեո Դարմիանը՝ 4% տոկոսը:
«Մանչեսթեր Յունայթեդը» Եվրոպայի լիգայի եզրափակչում 2:0 հաշվով առավելության էր հասել Ամստերդամի «Այաքսի» նկատմամբ: Մանկունիանցիների կազմում երկրորդ գնդակը գեղեցիկ գոլով հեղինակել էր Հենրիխ Մխիթարյանը:
