Բաժիններ՝

«Եթե մենք այսօր այս գործընթացը սկսենք, որոշ ժամանակ անց կունենանք այլ պատկեր». Կարեն Կարապետյան

Այսօր կառավարության նիստում վարչապետ Կարեն Կարապետյանն անդրադարձավ մարտի 23-ին ներկայացված բազմաբնակարան շենքերի տանիքների պահպանման դիմաց կատարված վճարների վերաբերյալ լուծում տալու հանձնարարականին:

Ըստ նրա` քաղաքաշինության և  ճարտարապետության ոլորտում զարգացումները, ինչպես նաև զբոսաշրջային զարգացման ժամանակակից մոդելները ենթադրում են միասնական մոտեցում, հատկապես շենքերի տանիքների մասով` ձև, գույն, և այլն:

Սակայն, ինչպես նշեց Կ. Կարապետյանը, նման միասնական պահանջներ այսօր նախատեսված չեն:

Նա Քաղաքաշինության կոմիտեի նախագահին հանձնարարեց երկամսյա ժամկետում բնակավայրերի ներդաշակ տեսքն ապահովելու նպատակով ներկայացնել առաջարկություններ նոր կառուցվող բազմաբնակարան շենքերի և այլ շինությունների տանիքների նկատմամբ միասնական չափանիշներ սահմանելու ուղղությամբ:

Տարածքային կառավարման և զարգացման նախարարի պաշտոնակատարին հանձնարարեց և քաղաքապետին առաջարկեց ժամանակացույց ներկայացնել փոփոխված տանիքները նորմերին համապատասխանեցնելու վերաբերյալ, նաև տանիքների վերանորոգման աշխատանքների ժամանակ առաջնորդվել չափանիշներով:

«Եթե մենք այսօր այս գործընթացը սկսենք, որոշ ժամանակ անց կունենանք այլ պատկեր»,- նկատեց Կ. Կարապետյանը:

Բաժիններ՝

Տեսանյութեր

Լրահոս