«Այս մրցանակը նվիրում եմ ընտանիքիս, Մանչեսթերին և բոլոր հայերին». Հենրիխ Մխիթարյան
Եվրոպայի լիգայի եզրափակիչում Պո Պոգբայի և Հենրիխ Մխիթարյանի գոլերի օգնությամբ 2:0 հաշվով հաղթելով Ամստերդամի «Այաքսին» անգլիական «Մանչեսթեր Յունայթեդը» նվաճեց Չեմպիոնների լիգայի խմբային փուլի ուղեգիր:
Հայաստանի ազգային հավաքականի ավագ և «Կարմիր սատանաների» 28-ամյա կիսապաշտպան Հենրիխ Մխիթարյանը հաղթանակից հետո թվիթերյան իր էջում գրառում է արել.
«Այնքան ուրախ եմ մեր այսօրվա հաղթանակով: Ես այս մրցանակը նվիրում եմ ընտանիքիս, Մանչեսթերին և բոլոր հայերին»: 
