Հրապարակվել է Մանչեսթրում ահաբեկչության ենթադրյալ կատարողի լուսանկարը
Մեծ Բրիտանիայի ոստիկանությունն առաջին անգամ հրապարակել է Մանչեսթրում ահաբեկչական գործողության հավանական կատարողի՝ Սալման Ռամադան Աբեդիի լուսանկարը: 22-ամյա ենթադրյալ մահապարտ ահաբեկիչն այս լուսանկարում մոխրագույն կիսավերարկուով է եւ դեղին վերնաշապիկով։
Ինչպես մայիսի 23-ին հայտնել է Daily Telegraph թերթը, Աբեդին ծնվել է 1994 թվականին Մանչեսթրում եւ երրորդ երեխան էր լիբիացի փախստականների ընտանիքում, որոնք Մեծ Բրիտանիա էին ժամանել Մուամար Քադաֆիի ռեժիմից փրկվելու պատրվակով: Հրատարակությանտեղեկատվության համաձայն, Աբեդիի ծնողներն իրենք ծնվել են Լիբիայում, եւ Մանչեսթրի հարավի Ֆալոուֆիլդի շրջան տեղափոխվելուց առաջ
ապրել են Լոնդոնում, հաղորդել է ՏԱՍՍ-ը:
The first picture of #ManchesterAttack suspect Salman Abedi pic.twitter.com/Ij6eJCiIxJ
— Sky News (@SkyNews) May 24, 2017
