Ստեփանակերտի հին լուսատուները փոխարինվում են նորերով
Պետական ծրագրի շրջանակում Ստեփանակերտում հին լուսատուները փոխարինվում են ժամանակակից նոր լուսատուներով:
Այս մասին «Արցախպրես»-ի թղթակցի հետ զրույցում ասել է Ստեփանակերտի քաղաքապետարանի զարգացման ծրագրերի բաժնի պետ Էդգար Ավանեսյանը:
«Նոր լուսատուները նախորդների համեմատ բավականաչափ հարմարավետ են և առավել խնայողաբար են օգտագործվում: Մայրաքաղաքի Բաղրամյան փողոցում վերջերս տեղադրվել է 56 դիոդային, ժամանակակից լուսատու: Անդրանիկ փողոցի վրա ևս 14 լուսատու փոխարինվել է նորերով»,-ասել է Է. Ավանեսյանը:
Ըստ Է. Ավանեսյանի, արտաքին լուսավորման գործընթացը Ստեփանակերտում կլինի շարունակական և պետական միջոցների հաշվին ժամանակակից նոր լուսատուներ կտեղադրվեն մայրաքաղաքի տարբեր փողոցներում:
