Հրհեհ Հրազդան քաղաքում. մեկնել է երկու մարտական հաշվարկ, «Nissan Patrol» ավտոմեքենան այրվել է
Մայիսի 24-ին, ժամը 06:00-ին ահազանգ է ստացվել, որ Կոտայքի մարզի Հրազդան քաղաքի Շահումյան-Սպանդարյան փողոցների խաչմերուկի մոտակայքում գտնվող քաղաքային պատկերասրահի տանիքից ծուխ է նկատվում: Դեպքի վայր է մեկնել երկու մարտական հաշվարկ:
Պարզվել է, որ հրդեհը բռնկվել է Սպանդարյան փողոցի թիվ 2 հասցեում` ավտոտնակում: Հրդեհը մեկուսացվել է ժամը 06:22-ին, մարվել՝ 07:17-ին: Դ. Հ.-ին պատկանող ավտոտնակում այրվել է «Nissan Patrol» մակնիշի ավտոմեքենա և մոտ 2 խմ կուտակած փայտ:
