Չինուհիների մեծամասնությունն աչք է դրել զուգընկերների հարստության վրա

Չինաստանում կանանց մեծամասնությունը նախընտրում է հանդիպել այն տղամարդկանց հետ, որոնք երկնակի կամ եռակի ավելի շատ են վաստակում, քան իրենք: Հետազոտության այս արդյունքները հրապարակել է The South China Morning PostLike-ը։

Ըստ հարցման տվյալների՝ առանձնակի չարչիությամբ աչքի է ընկնում ՉԺՀ­-ի կանանց 84 տոկոսը: Հաղորդվում է նաեւ, որ չինուհիների 60 տոկոսը պատրաստ է իր զուգընկերոջից հեռանալ այն դեպքում, եթե երեք տարի տեւած հարաբերությունները հարսանիքով չեն ավարտվում:

Դրա հետ մեկտեղ նշվում է, որ տղամարդկանց 40 տոկոսը կցանկանար իր սիրելիին տեսնել ամեն օր. նման ցանկություն է հայտնել հարցմանը մասնակցած կանանց միայն 23 տոկոսը:

Երկու սեռերի հետազոտության մասնակիցների 79 տոկոսը խոստովանել է, որ պատրաստ է կես տարի սիրատածել իր հավանած մարդուն, եւս 21 տոկոսը հայտարարել է, որ կարող է ռոմանտիկ հարաբերությունները շարունակել նաեւ հետագայում:

«Ամենամեծամիտ տղամարդիկ ապրում են ՉԺՀ-­ի այնպիսի քաղաքներում, ինչպիսիք են Չունցինը, Սուչժոուն եւ Գուանչժոուն»,-­նշում է հրատարակությունը: Դրա հետ մեկտեղ կանանց ավելի սիրալիր են վերաբերվում այն չինացիները, որոնք ապրում են Շանհայում, Պեկինում եւ Շենյանում։