«Այաքսն» ու «Մանչեսթեր Յունայթեդը» կատակել են եզրափակչից առաջ
Եվրոպա լիգայի խաղարկության եզրափակչին հոլանդական «Այաքսն» ու անգլիական «Մանչեսթեր Յունայթեդը» մոտենում են բարձր տրամադրությամբ։
Այս թիմերը կատակել են իրար հետ թվիթերյան պաշտոնական էջերում։
«Այաքսն» առաջինն է գրառում արել՝ նշելով, որ կարծես թե մանչեսթերյան ակումբում ինչ-որ տիտղոս է պակասում, և հույս են հայտնել, որ այդ բացն այդպես էլ կմնա։
«Մեր տիտղոսների սենյակն առանց այն էլ լի է։ Բայց մենք միշտ պատրաստ ենք ընդլայնել այն»,- հոլանդական ակումբին պատասխանել են Մանչեսթերից։
Նշենք, որ մանկունյանցիները երբեք չեն հաղթել Եվրոպա լիգան, և խոսքը հենց այս տիտղոսի մասին էր:
Հիշեցնենք, որ Եվրոպա լիգայի եզրափակիչ խաղը կկայանա մայիսի 24-ին Ստոկհոլմի «Ֆրենդս Արենա» մարզադաշտում:
Սիրարփի Աղաբաբյան
