Գինովցած Ռոնալդուի երաժշտական շոուն՝ Մադրիդում
Մադրիդի «Ռեալը» շարունակում է նշել հաղթանակն իսպանական Լա Լիգայում։
«Մալագային» հաղթելուց հետո մադրիդյան ակումբի ֆուտբոլիստները շքերթ են անցկացրել Մադրիդում՝ ամբողջ գիշեր հազարավոր երկրպագուների հետ տոնելով հաղթանակը։
Լրատվամիջոցների ուշադրությունը գրավել է հատկապես այն դրվագը, երբ թիմի ֆուտբոլիստներն ու երկրպագուները հիշում էին կատալոնական «Բարսելոնայի» ֆուտբոլիստ Պիկեին։
Ռոնալդուն ևս անսովոր պահվածքով է աչքի ընկնել։ Նա, ըստ իսպանական լրատվամիջոցների՝ գինովցած երգել է Queen խմբի We are the champions երգը։ Ռոնալդուն, ով նշում է, որ երբեք չի օգտագործում ալկոհոլ, այս անգամ չէր դիմացել գայթակղությանը և, ըստ Marca-ի՝ անցել էր չափը։
Սիրարփի Աղաբաբյան
