Էյֆելյան աշտարակը կմարի լույսերը Մանչեսթրում զոհվածների հիշատակին
Փարիզի գլխավոր տեսարժան վայրերից մեկը՝ Էյֆելյան աշտարակը, մայիսի լույս 24-ի գիշերը կմարի իր լույսերն ահաբեկչական գործողության զոհերի հիշատակին, որը լույս մայիսի 23-ի գիշերը տեղի ունեցավ «Մանչեսթր Արենա» համերգային համալիրում: Այդ մասին հայտարարել է Ֆրանսիայի մայրաքաղաքի քաղաքագլուխ Ան Իդալգոն:
«Փարիզն այսօր գիշեր կհարգի զոհվածների հիշատակը՝ կեսգիշերին խորհրդանշորեն մարելով Էյֆելյան աշտարակի լույսերը: Հարված հասցնելով Մանչեսթրին՝ ահաբեկիչները ցանկանում էին նաեւ գրոհել ընդհանուր արժեքների՝ ժողովրդավարությանը, ազատությանը, հումանիզմին եւ համատեղ գոյակցությանը մեր անխախտ նվիրվածության վրա: Այդ կույր եւ շարունակվող սպառնալիքի հանդեպ քաղաքները պետք է հանդես գան միասնական ճակատով»,-ասված է Իդալգոյի պաշտոնական հաղորդագրության մեջ:
Ֆրանսիայի մայրաքաղաքի ղեկավարը հավելել է, թե կցանկանար ասել, «որ փարիզցիները, որոնք նման փորձություն ապրել են, մնում են զոհվածների մերձավորների կողքին»: «Ես նաեւ ցանկանում եմ շուտափույթ ապաքինում մաղթել վիրավորներին»,-հավելել է քաղաքագլուխը, հաղորդել է ՌԻԱ Նովոստին:
