Սամբիստները 8 մեդալ են նվաճել Եվրոպայի առաջնությունում
Հայաստանի սամբոյի հավաքականը 8 մեդալ է նվաճել Եվրոպայի առաջնությունում: Մարտական սամբոյում Գրիգոր Մխիթարյանը դարձել է արծաթե, իսկ Հարություն Սարգսյանը, Կոլյա Կարապետյանը և Էդգար Մեհրաբյանը բրոնզե մեդալակիր: Մարզական սամբոյում Տիգրան Կիրակոսյանը նվաճել է ոսկե, Արթուր Սահակյանը` արծաթե, իսկ Մաքսիմ Մանուկյանը և Արսեն Ղազարյանը` բրոնզե մեդալներ:
Մայիսի 19-22-ը Բելառուսի մայրաքաղաք Մինսկում անցկացվեցին Եվրոպայի սամբոյի տղամարդկանց, կանանց առաջնությունները և մարտական սամբոյի առաջնությունը՝ մասնակցությամբ 29 պետության շուրջ 300 մարզիկ-մարզուհիների:
