Նորածին աղջիկների վիճակը կայուն է
Մայիսի 3-ին «Էրեբունի» բժշկական կենտրոնում լույս աշխարհ եկած հնգյակից ողջ մնացած երկու աղջիկների վիճակը կայուն է: Այդ մասին «Փաստինֆո»-ի թղթակցի հետ զրույցում հայտնեց Առողջապահության նախարարության մամուլի խոսնակ Անահիտ Հայթայանը հավելելով, որ առկա է դրական դինամիկա:
Աղջիկներից մեկը գտնվում է «Սուրբ Աստվածամայր» ԲԿ-ի վերակենդանացման բաժանմունքում, իսկ մյուսը՝ Մոր և մանկան առողջության պահպանման գիտահետազոտական կենտրոնի նորածնային վերակենդանացման բաժանմունքում:
Հիշեցնենք, որ մեծամորցի 23 ամյա կինը հնգյակ էր լույս աշխարհ բերել՝ 4 աղջիկ և 1 տղա:
Ցավոք երեխաներից 3-ին՝ տղայի և երկու աղջիկների կյանքը փրկել չի հաջողվել։
