Պուտինը և Մակրոնը կարևորել են հետագա գործակցությունը «նորմանդական ձեւաչափի» շրջանակներում
Ռուսաստանի նախագահ Վլադիմիր Պուտինը եւ Ֆրանսիայի նախագահ Էմանուել Մակրոնը մայիսի 18-ին կայացած առաջին հեռախոսազրույցի ընթացքում քննարկել են առաջիկա անձնական շփումների հնարավորությունները: Այդ մասին հայտնել է Կրեմլի մամուլի ծառայությունը:
ՌԴ ղեկավարը Ֆրանսիայի նախագահին շնորհավորել է պաշտոնակալության առթիվ: «Երկուստեք պատրաստակամություն է հայտնվել՝ զարգացնելու ռուսֆրանսիական ավանդաբար բարեկամական հարաբերությունները քաղաքական, առեւտրատնտեսական,
մշակութայինհումանիտար եւ այլ ոլորտներում»,-նշել են Կրեմլում:
Զրույցի ընթացքում կողմերը կարեւորել են հետագա գործակցությունը «նորմանդական ձեւաչափի» շրջանակներում: «Պայմանավորվածություն է ձեռք բերվել համատեղ աշխատել միջազգային ու տարածաշրջանային հրատապ հարցերի շուրջ, ներառյալ ահաբեկչության դեմ պայքարը:
Ընդգծվել է, մասնավորապես, Մինսկի համաձայնությունների հիման վրա ներուկրաինական ճգնաժամի կարգավորման «նորմանդական ձեւաչափի» շրջանակներում հետագա գործակցության կարեւորությունը»,-ասված է հաղորդագրության մեջ:
