Վահրամ Բաղդասարյանը՝ Արա Բաբլոյանի թեկնածության մասին
«Մեծացել է պատասխանատվությունը, այսինքն՝ նաև աշխատանքի արդյունավետությունը պետք է մեծանա»,- այսօր ՀՀԿ ԳՄ և խորհրդի նիստից հետո հայտարարեց ՀՀԿ խմբակցության ղեկավարի թեկնածու Վահրամ Բաղդասարյանը։
Ըստ նրա՝ ԱԺ նախագահի պաշտոնում Արա Բաբլոյանի թեկնածությանը բոլորը համաձայն էին, քանի որ նա բավականին փորձառու անձավորություն է և հանրության կողմից հայտնի.
«Արդեն 3-րդ գումարումն է, որ նա Ազգային ժողովում պատգամավոր է, նաև ղեկավարման փորձ ունի ոչ միայն բժշկական համակարգում, այլ նաև հանձնաժողովի նախագահ է եղել 2 գումարում անընդմեջ»։
Բաղդասարյանը նաև նշեց, որ որպես ԱԺ նախագահ երիտասարդ թեկնածուների քննարկում չի եղել, մամուլն է այդ մասին խոսել. «Այս հարցն առաջին անգամ է քննարկվում»։
