«ԱԺ մշտական հանձնաժողովների թվի կրճատման օգտին է խոսում 2 գործոն». Հրայր Թովմասյան
Ազգային ժողովում մշտական հանձնաժողովների թվի կրճատման օգտին է խոսում 2 գործոն՝ պատգամավորների թվի կրճատումը և մշտական հանձնաժողովների գործառույթների էական փոփոխությունը։ Այս մասին այսօր ՀՀԿ խորհրդի նիստից առաջ լրագրողների հետ զրույցում հայտարարեց ԱԺ պատգամավոր Հրայր Թովմասյանը։
Ըստ նրա՝ կա մեկ այլ խնդիր, վերլուծությունները ցույց են տալիս, որ մշտական հանձնաժողվների ծանրաբեռնվածությունն էականորեն անհամամասնություն է ունեցել, մասնավորապս՝ 2 հանձնաժողով՝ տնտեսական և պետաիրավական, կրել են ամբողջ բեռի 50%-ը. «Այսինքն՝ սա որոշակի փոփոխություն է ենթադրում»։
Թովմասյանը նշեց, որ վաղը խմբակցությունները կքննարկեն և առաջարկներ կներկայացնեն հանձնաժողվների վերաբերյալ։ Թե ո՞վ է զբաղեցնելու ԱԺ աշխատակազմի ղեկավարի պաշտոնը, կամ ինքն ի՞նչ պաշտոն կզբաղեցնի ԱԺ-ում, Հ.Թովմասյանը պատասխանեց՝ չեմ կարող ասել։
