CNN-­ի եթերի ավելի քան 90 տոկոսը նվիրված է Թրամփի քննադատությանը. Media Research Cent

Ամերիկյան Media Research Center (MRC) ընկերությունը, որը մասնագիտանում է ԶԼՄ-ների աշխատանքի ուսումնասիրության բնագավառում, եկել է այն եզրակացության, որ CNN հեռուստաալիքն իր գրեթե ամբողջ եթերային ժամանակը նվիրում է ԱՄՆ-­ի նախագահ Դոնալդ Թրամփի վարչակազմի քննադատությանը:

Այս թեմայով ուսումնասիրության արդյունքները մայիսի 16­-ին հրապարակվել են ֆիրմայի պաշտոնական կայքում։

Որպես օրինակ MRC­-ն բերում է CNN­-ի եթերի 20 ժամվա մանրամասն վերլուծությունը՝ սկսած լույս մայիսի 12-­ի գիշերվանից: Մասնագետների հաշվարկների համաձայն, եթե բացառվեն գովազդային հոլովակները եւ տարբեր հայտարարությունները, ապա նորությունների թողարկումներին եւ հաղորդումներին կմնա 13 ժամ 27 րոպե:

Ըստ MRC-­ի գնահատումների՝ այդ ժամանակի 12 ժամ 19 րոպեն (92 տոկոսը) նվիրված էր այն ծրագրերին, որոնք վերաբերում են Թրամփի վարչակազմի աշխատանքին, եւ միայն 1 ժամ 8 րոպեն՝ մնացած թեմաներին, հաղորդել է ՏԱՍՍ­-ը։