Գանձասարում կբացվի հացի թանգարան
Արցախի Գանձասարի վանական համալիրում շուտով գործելու է հացի թանգարան: Պաշտոնական բացումը նախատեսվում է հունիսին: Վանքի այցելուներին Հայր Սահակը պատմում է, որ թանգարանում ներկայացվելու է, թե ինչպես պետք է հաց թխել, ինչ հումք օգտագործել, որպեսզի առողջ լինի մարդը: Ըստ նրա` այսօրվա հիվանդություններից շատերը սննդի պատճառով են, և պետք է վերադառնալ մեր նախնիների սննդակարգին:
Թանգարանում ոչ միայն ցուցադրվելու են ավանդական հացի գաղտնիքները, այլև հենց տեղում հաց է թխվելու: Անբարենպաստ եղանակի պատճառով աշխատանքները մի քիչ ձգձգվեցին, բայց 2 թոնիրներն արդեն պատրաստ են և շուտով կսկսեն գործել:
