«Մոտ ժամանակներս հստակ ու կոնկրետ առաջարկներ կլինեն». Սուրեն Կարայանը՝ ներդրումների մասին
Այսօր կառավարության նիստից հետո ՀՀ տնտեսական զարգացման և ներդրումների նախարար Սուրեն Կարայանը լրագրողների հետ զրույցում հերքեց շրջանառվող տեղեկությունները, որ հնարավոր է՝ ռուսաստանաբնակ հայ գործարարները հրաժարվեն իրենց խոստացած ներդրումներն անելուց։
«Ես նման տեղեկություն չունեմ, որ ինչ-որ մեկը հայտնել է, որ մտադրություն չունի ներդրում անելու։ Այն բոլոր անձինք, որ հայտարարել են, գործընթացը գնում է, ներկայումս ծրագրեր են ուսումնասիրում, և մոտ ժամանակներս հստակ ու կոնկրետ առաջարկներ կլինեն»,- ասաց Ս.Կարայանը։
Թե ե՞րբ ՀՀ քաղաքացիները կզգան կենսամակարդակի բարձրացում, Ս.Կարայանը նշեց, որ իրենց հաշվարկներով՝ այս տարի 10 հազար աշխատատեղ կստեղծվի, և այդ ժամանակ էլ բնակչությունը կզգա փոփոխությունը։
Մանրամասները՝ տեսանյութում
