«Եվրամիությունը Ռուսաստանի հետ երկխոսելու կարիքն ունի». Յունկեր
Եվրամիությանը հարկավոր է բաց պահել Մոսկվայի հետ երկխոսության կապուղիները: Այդ մասին հայտարարել է Եվրահանձնաժողովի ղեկավար Ժան Կլոդ Յունկերը Handelsblatt թերթին տված հարցազրույցում:
«Այնպիսի մեծ տերությունը, որպիսին Ռուսաստանն է, չի կարել համարել պարզապես տարածաշրջանային տերություն, նույնիսկ եթե նա թուլացած է- ասել է Յունկերը: Մեզ Մոսկվայի հետ երկխոսելու կապուղիներ են հարկավոր»: Նա նաեւ նշել է, որ Բրյուսելում անընդունելի են համարում Ղրիմի միավորումը Ռուսաստանի հետ եւ Ուկրաինայի արեւլքում տիրող ճգնաժամը:
«Մենք պարզորոշ ասում ենք այդ մասին, բայց միաժամանակ մենք հավասարը հավասարի հետ Ռուսաստանի հետ հարգալից շփման կարիքն ունենք»,-ընդգծել է Եվրահանձնաժողովի ղեկավարը, հաղորդել է ՏԱՍՍ-ը:
