Վթար Հաղթանակի կամրջից Իսակովի պողոտա տանող ճանապարհին. տուժածներից մեկի վիճակը ծանր է
Մայիսի 10-ին, ժամը 20.18-ին ահազանգ է ստացվել, որ Երևան քաղաքի Հաղթանակի կամրջից դեպի Իսակովի պողոտա տանող ճանապարհին տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ:
Պարզվել է, որ «Subaru» մակնիշի 35 GA 049 պետհամարանիշով ավտոմեքենան (վարորդ՝ 1989 թ. ծնված Կ. Ա.) բախվել է արտաքին լուսավորման սյանը: Մինչ փրկարարների՝ կանչի վայր հասնելը ուղևոր՝ 1989 թ. ծնված Վ. Ս.-ին դուրս են բերել տեղի ուժերով և հոսպիտալացրել «Աստղիկ» ԲԿ, որտեղ նրա առողջական վիճակը գնահատվել է ծանր:
Փրկարարները քաղաքացիների հետ համատեղ վարորդին դուրս են բերել ավտոմեքենայից և հոսանքազրկել ավտոմեքենան: Տուժածը հոսպիտալացվել է «Աստղիկ» ԲԿ, որտեղ նրա առողջական վիճակը գնահատվել է միջին ծանրության:
