Նեյմարը լարված հարաբերություններ ունի «Բարսելոնայի» մարզիչների հետ
Կատալոնական «Բարսելոնայում» լարված իրավիճակ է: Մարզման ժամանակ բախվել են թիմի ֆուտբոլիստ Նեյմարը և թիմի երկրորդ մարզիչը:
Կատալոնական ակումբի երկրորդ մարզիչ Խուան Ունսուեն, ով կարող է գլխավորել ակումբն ամռանը, նկատողություն է արել Նեյմարին, իսկ Նեյմարը շատ ագրեսիվ է արձագանքել այդ նկատողությանը:
Իսպանական մամուլը նշում է, որ Ունսուեի կարծիքով՝ Նեյմարը մարզումները թողնում է երկրորդ պլանում և զբաղված է ուրիշ գործերով:
Ինչպես արդեն տեղեկացրել էինք, ավելի վաղ Ունսուեն Նեյմարին ասել էր, որ, եթե նա շարունակի նույն կերպ, ապա կավարտի կարիերան Ռոնալդինիոյի նման:
Հիշեցնենք, որ վերջերս Նեյմարը հաճախ է կոնֆլիկտներ ունենում թիմի մարզչական կազմի հետ:
Սիրարփի Աղաբաբյան
