Դավիթ Լոքյանը՝ իր և Կարեն Կարապետյանի հարաբերությունների մասին
Տարածքային կառավարման և զարգացման նախարար, ՀՅԴ-ական Դավիթ Լոքյանը ՀՀ վարչապետ Կարեն Կարապետյանի հետ իր հարաբերությունները բնութագրում է շատ լավ, խիստ աշխատանքային:
«Հաղթանակ» զբոսայգում լրագրողների հետ զրույցում անդրադառնալով դիտարկմանը, թե դաշնակցական նախարարները վարչապետին չեն ենթարկվում ու հաշվետու են միանգամից նախագահին՝ Լոքյանը նշեց. «Աշխատանքային շատ լավ հարաբերություններ են: Այսօր միասին իրականացնում ենք տասնյակ ծրագրեր: Գոնե իմ պատկերացմամբ, բացարձակապես լարվածություն չկա»:
Խոսելով իր հետագա պաշտոնավարման մասին, Լոքյանն ասաց, որ կշարունակի, եթե Դաշնակցությունն ու իր կոալիցիոն գործընկերը որոշեն: Նախարարն ասաց, որ անձամբ ինքը կցանկանա շարունակել աշխատանքը կառավարությունում:
