«Եթե շարունակես նման ոգով, կավարտես՝ ինչպես Ռոնալդինիոն». «Բարսելոնայի» երկրորդ մարզիչը՝ Նեյմարին
Բրազիլացին վիճել է Խուան Կարլոս Ունսուեի հետ:
«Բարսելոնայի» մարզման ժամանակ կոնֆլիկտ է տեղի ունեցել: Ինչպես հաղորդում է Marca-ն, Ունսուեն դիմել է Նեյմարին, որպեսզի նրան ցուցումներ տա, բայց ֆուտբոլիստը նրա բառերը դժգոհությամբ է ընդունել:
Ունսուեն քննադատել է ֆուտբոլիստին՝ դաշտից դուրս նրա կյանքի համար, և Նեյմարին կոչ է արել ավելի շատ կենտրոնանալ մարզական խնդիրների վրա: Արտահայտություններից մեկը, որ մարզիչը ուղղել է խաղացողին, եղել է. «Եթե շարունակես նման ոգով, կավարտես՝ ինչպես Ռոնալդինիոն»:
Ըստ իսպանական ԶԼՄ-ների տեղեկության՝ Ունսուեն հաջորդ մրցաշրջանում կարող է ստանձնել «Բարսելոնայի» գլխավոր մարզչի պաշտոնը:
Պատրաստեց Անի Գաբուզյանը
