Մակրոնի շարժումը կկոչեն «Հառաջ, Հանրապետություն»
Նախագահական շարժումը, որն Էմանուել Մակրոնի կողմնակիցները պլանավորում են ստեղծել հունիսին կայանալիք խորհրդարանական ընտրությունների նախաշեմին, հավանաբար, կկոչվի «Հառաջ, Հանրապետություն»: Այդ մասին հայտարարել է Էմանուել Մակրոնի «Հառաջ» շարժման պաշտոնական ներկայացուցիչ Քրիստոֆ Քաստաները:
«Հառաջ, Հանրապետությունը» մեզ գեղեցիկ նպատակ թվում… Դա, անտարակույս, կլինի այս նախագահական մեծամասնության անվանումը, որը մենք ցանկանում ենք ստեղծել, որպեսզի Էմանուել Մակրոնը գործողության մեջ դնի իր քաղաքական ծրագիրը»,-հայտարարել է Քաստաները BFMTV հեռուստաալիքի եթերում՝ պատասխանելով այն հարցին, թե ինչպես կարող է անվանվել ապագա քաղաքական ուժը:
«Մենք ցանկանում ենք մեծամասնություն, որի մեջ մտնեն Սոցիալիստական կուսակցության, հանրապետականների, կենտրոնամետների ներկայացուցիչները, բայց նաեւ դա լինի քաղաքացիական հասարակության թեկնածուների, առնվազն, կեսը»,-նշել է Քաստաները, հաղորդել է ՌԻԱ Նովոստին:
