Գերմանիան արգելելու է իր տարածքում Թուրքիայում մահապատժի օրինականացմանն ուղղված հանրաքվեի անցկացումը
Գերմանիայի կառավարությունը հայտնել է, որ արգելելու է Թուրքիայում մահապատժի օրինականացմանն ուղղված հանրաքվեի անցկացումն իր տարածքում: Այս մասին հայտնում է թուրքական Diken պարբերականը:
«Մեր սահմանադրությանը և եվրոպական արժեքներին հակասող թեմայով Գերմանիայում հանրաքվեի անցկացումը քաղաքականապես ընդունելի չէ»-ասել է Գերմանիայի կառավարության մամուլի խոսնակ Շտեֆեն Շեիբերտը:
«Այս ամենը նշանակում է, որ Դաշնային կառավարությունը կարող է թույլ չտալ այդ հանրաքվեի անցկացումը Գերմանիայի տարածքում: Ես կարծում եմ, որ օգտագործելով մեր իրավական հնարավորությունները մենք կարող ենք արգելել այդ հանրաքվեի անցկացումը»,-հավելել է նա:
Գերմանիայի վարչապետի թեկնածու Սոցիալ դեմոկրատական կուսակցության նախագահ Մարտին Շուլցն էլ նշել է, որ Գերմանիայում բնակվող Թուրքիայի քաղաքացիների համար այդ հանրաքվեի կազմակերպումն անհավանական է: Թուրքիայում մահապատիժն օրինականացնելու վերաբերյալ քննարկումները սկսել են 2016-ի հուլիսի 15-ին տեղի ունեցած հեղաշրջման փորձից հետո:
Թուրքիայի նախագահ Ռեջեփ Թայիփ Էրդողանը հաճախակի իր ելույթներում խոսում է մահապատժի օրինականացումը հանրաքվեի դնելու հնարավորության մասին:
