Եվրամիությունը 32 մլն դոլար է հատկացնում Վրաստանին բարեփոխումների համար
Եվրամիությունը Վրաստանին 32 մլն դոլար կհատկացնի ԵՄ-ին ինտեգրվելու տեխնիկական աջակցության եւ բարեփոխումներ իրականացնելու համար: Այդ մասին հայտարարել է Վրաստանի վարչապետ Գեորգի Կվիրիկաշվիլին:
Ֆինանսական փաստաթուղը մայիսի 5-ին ստորագրել են եվրոպական եւ եվրատլանտյան կառույցներին Վրաստանի ինտեգրացման հարցերի պետնախարար Վիկտոր Դոլիձեն եւ այցով Թբիլիսիում գտնվող Հարեւանության եվրոպական քաղաքականության եւ ԵՄ-ի ընդլայնման հարցերի եվրակոմիսար Յոհաննես Հանը:
«Եվրամիությունը մեզ օգնում է բոլոր բարեփոխումների իրականացման գործում, հենց դրա համար է այսօր ստորագրվել ֆինանսական համաձայնագիրը, որի հիման վրա ԵՄն 32 մլն դոլար է հատկացնում մեզ»,հայտարարել է Կվիրիկաշվիլին՝ ելութ ունենալով եվրակոմիսար հետ համատեղ անցկացված ճեպազրույցի ժամանակ:
Ինչպես հայտնել են ինտեգրացման հարցերի պետնախարարի աշխատակազմում, ֆինանսական ռեսուրսը, որը հատկացվում է «Տեխնիկական համագործակցության մեխանիզմի» (Technical Cooperation Facility — TCF) շրջանակներում, նպատակ է դնում փորձագիտական աջակցություն ցուցաբերել Վրաստանին բարեփոխումների իրականացման գործընթացում, որոնք նախատեսված են Եվրամիության հետ ասոցացման
համաձայնագրով, հաղորդել է ՌԻԱ Նովոստին: