Գազալցակայանի մոտ ավտոմեքենա է այրվել
Մայիսի 5-ին, ժամը 13:46-ին ահազանգ է ստացվել, որ Վայոց ձորի մարզի Արփի գյուղի սկզբնամասում գտնվող գազալցակայանի մոտակայքում այրվում է ավտոմեքենա:
Դեպքի վայր է մեկնել մեկ մարտական հաշվարկ:
Պարզվել է, որ Մ-2 ավտոճանապարհի Երևան-Մեղրի հատվածի 115-րդ կմ-ի մոտակայքում այրվում է «Mercedes Sprinter» մակնիշի 91 00 L պետհամարանիշով ավտոմեքենա (վարորդ` Հ. Շ.):
Հրդեհը մեկուսացվել է ժամը 13:59-ին, մարվել՝ 14:09-ին:
Շարժիչային խցիկում այրվել է մոտ 1 մ երկարությամբ էլ.մալուխ:
