«Ռուսաստանը հուսով է, որ Հայաստանը կարող է Ռուսաստանի և Իրանի միջև առևտրի տարանցիկ կետ դառնալ». Բաբկո
Հայաստանը կարող է Ռուսաստանի և Իրանի միջև առևտրի տարանցիկ կետ դառնալ, սակայն կան որոշ խնդիրներ, որոնք լուծման կարիք ունեն: «Արմենպրես»-ի հետ զրույցում ասաց Հայաստանում ՌԴ առևտրային ներկայացուցիչ Անդրեյ Բաբկոն:
«Ռուսաստանը հուսով է, որ Հայաստանը կդառնա արդյունաբերական կամուրջ Ռուսաստանի և Իրանի միջև, սակայն առաջին հերթին պետք է մինչև Իրան գնացող ճանապարհը բարեկարգվի: Ոլորաններով ճանապարհը բեռնատար ավտոմեքենաների
համար շատ վտանգավոր է, և բեռնատարների մեծ հոսքի դեպքում կարող են խնդիրներ առաջանալ»,-նշեց Բաբկոն:
Նրա խոսքով` նոր ճանապարհ կառուցելու համար անհրաժեշտ են ներդրումներ, իսկ ներդրումներ կիրականացվեն այն ժամանակ, երբ պաշտոնապես կհաստատվի բեռների ծավալը:
«Ներկայումս պաշտոնապես չի հայտարարվել մեծ ծավալների վերաբերյալ ոչ իրանական, ոչ հայկական կողմից: Ուստի այս հարցի լուծումը բանակցության և ուսումնասիրության ժամանակ է պահանջում»,-նշեց Բաբկոն:
