Տուսկը և Յունկերը Թրամփի հետ բանակցություններ կվարեն Բրյուսելում
Եվրախորհրդի եւ Եվրահանձնաժողովի նախագահներ Դոնալդ Տուսկը եւ Ժան Կլոդ Յունկերը առաջին անգամ ԱՄՆ-ի նախագահ Դոնալդ Թրամփի հետ հանդիպում կունենան մայիսի 25-ին Բրյուսելում: Այդ մասին հայտնել են ԵՄ-ի Խորհրդում:
«Հաստատված է: Տուսկը եւ Յունկերը Թրամփի հետ հանդիպում կունենան մայիսի 25-ին Բրյուսելում»,-ասել են այնտեղ: Դոնալդ Թրամփի ընտրվելուց անմիջապես հետո ԵՄ-ի ղեկավարությունը նրան հրավիրել էր այցելել Բրյուսել, մասնավորապես, ԵՄ-ի եւ ԱՄՆ-ի
գագաթնաժողով անցկացնելու համար:
Միեւնույն ժամանակ ՆԱՏՕ-ն որոշել է մայիսի 25-ին գագաթնաժողով անցկացնել Բրյուսելում, որպեսզի առաջին անգամ Թրամփին ընդունի դաշինքի կենտրոնակայանում, հաղորդել է ՏԱՍՍ-ը:
