«Բավարիան» բանակցություններ է վարել Ալեքսիս Սանչեսի գործակալի հետ
Արսեն Վենգերը պրոբլեմներ ունի:
Ֆերնանդո Ֆիլիսևիչը զբաղված է Սանչեսի համար ամբիցիոզ ակումբի որոնումներով: Ինչպես հաղորդում է Sport Bild-ը, հարձակվողի գործակալն արդեն հանդիպել է «Բավարիայի» ղեկավարների հետ: Կողմերը փոխանակվել են ցանկություններով և քննարկել են հնարավոր գործարքի պայմանները:
Սանչեսի պայմանագիրն «Արսենալի» հետ նախատեսված է մինչև 2018 թվականը: Զինագործներին դժվար կլինի երկարաձգել նրան. չիլիացին դժգոհ է խոշոր հաղթանակների բացակայությունից և աշխատավարձի հետ կապված շատ մեծ պահանջներ է առաջ քաշել:
Transfermarkt-ն Ալեքսիսին գնահատում է 65 մլն եվրո:
2016-17 մրցաշրջանում հարձակվողն անցկացրել է 33 խաղ, խփել է 19 գնդակ և կատարել է 10 գոլային փոխանցում:
Պատրաստեց Անի Գաբուզյանը
