Միջազգային կոալիցիայի օդուժին կարգելեն թռչել Սիրիայի անվտանգության գոտիների վրայով

Սիրիայում սահմանված անվտանգության գոտիների վրայով կարգելվեն մարտական օդուժի, այդ թվում՝ միջազգային կոալիցիայի օդուժի թռիչքները: Այդ մասին հայտարարել է Ռուսաստանի նախագահի՝ Սիրիայի իրադրության կարգավորման խնդրով հատուկ ներկայացուցիչ Ալեքսանդր Լավրենտեւը:

«Անվտանգության գոտիներում օդուժի, հատկապես միջազգային կոալիցիայի ուժերի աշխատանքը, բնավ չի նախատեսվում՝ ծանուցմամբ, թե առանց ծանուցման: Այդ հարցը փակված է»,-­ասել է Լավրենտեւը:

Նա պարզաբանել է, որ միակ վայրերը, որտեղ կարող է հարվածներ հասցնել միջազգային կոալիցիայի օդուժը, գտնվում են «Իսլամական պետություն» խմբավորման ուժերի կենտրոնացման շրջանում՝ Ռաքայի, Դեյր Էզ Զորի շրջաններում, ինչպես նաեւ Եփրատի այլ բնակավայրերում:

Սիրիայում զինադադարի երաշխավոր երկրների (ՌԴ, Իրան, Թուրքիա) ներկայացուցիչներն Աստանայի միջազգային բանակցությունների՝ մայիսի 4­ին կայացած հերթական փուլի ընթացքում հուշագիր են ստորագրել Սիրիայում անվտանգության չորս գոտիների ստեղծման վերաբերյալ, որոնք ներառում են Իդլիբի նահանգը ու եւս յոթ այլ տարածաշրջաններ: Հուշագրի համաձայն, մայիսի 6-­ից այս գոտիներում կդադարեն բոլոր բախումները կառավարական զորքերի եւ զինված խմբավորումների միջեւ