Էդվարդ Նալբանդյանը հանդիպել է Կարեն Միրզոյանի հետ
Հայաստանի արտաքին գործերի նախարար Էդվարդ Նալբանդյանը մայիսի 4-ին Երևանում հանդիպեց Արցախի ԱԳՆ ղեկավար Կարեն Միրզոյանի հետ: Այս մասին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից:
Զրույցի ընթացքում անդրադարձ արվեց Մոսկվայում նախորդ շաբաթ կայացած Հայաստանի, Ռուսաստանի և Ադրբեջանի արտգործնախարարների հանդիպմանը։
Նախարարները քննարկեցին երկու արտաքին քաղաքական գերատեսչությունների միջև փոխգործակցությանն առնչվող հարցեր:
