«Իմ կարիերան 3 տարով մեծ է Մբապեից». Բուֆոն
«Յուվենթուսի» դարպասապահ Ջանլուիջի Բուֆոնը Չեմպիոնների լիգայի կիսաեզրափակչից առաջ խոսել է սպասվող խաղի և իր ակնկալիքների մասին:
Ըստ Բուֆոնի՝ խաղը շատ բարդ է լինելու: Սակայն թուրինյան ակումբը պատրաստ է դժվարությունների և կանի ամեն ինչ՝ հաղթանակի հասնելու համար:
Բուֆոնը հետաքրքիր փաստ է արձանագրել:
«Մոնակոյի» երիտասարդ հարձակվող Կիլիան Մբապեն ծնվել է 1998 թվականին, երբ Բուֆոնն արդեն իսկ մասնակցում էր աշխարհի առաջնությանը:
«Իմ կարիերան 3 տարով մեծ է Մբապեից: Զարմանալի երևույթ է ֆուտբոլը: Իմ մրցակիցը դեռ չէր ծնվել, երբ ես արդեն տիտղոսներ էի նվաճում»:
Հիշեցնենք, որ Չեմպիոնների լիգայի կիսաեզրափակիչ «Մոնակո»-«Յուվենթուս» հանդիպումը կկայանա մայիսի 3-ին՝ Երևանի ժամանակով 22:45-ին:
Սիրարփի Աղաբաբյան
