Հայաստանի ռուսական ռազմակայանի օդուժը փոխադրվում է շահագործման ամառային ռեժիմի
Հայաստանի ռուսական ռազմակայանի «Էրեբունի» ավիացիոն բազայում սկսվել է ՄիԳ-29 արդի կործանիչների, Մի-8ՄՏ ռազմափոխադրական եւ Մի-24Պ հարվածային ուղղաթիռների փոխադրումը շահագործման ամառային ռեժիմի:
Ինչպես տեղեկացրել են ՌԴ Հարավային ռազմական օկրուգի մամուլի ծառայությունում, մեկ ամսվա ընթացքում ինքնաթիռներում եւ ուղղաթիռներում կկատարվեն համալիր աշխատանքներ, որոնք ներառում են ավելի քան տեխնիկական սպասարկման հարյուրից ավելի տարբեր գործողություններ: Միավորման ինժեներները եւ տեխնիկները կստուգեն համակարգերի, ագրեգատների, հանգույցների եւ սարքավորանքի աշխատունակությունը, ինչպես նաեւ կզննեն վառելիքի բաքերը, շարժիչները, կփոխեն յուղը եւ հատուկ հեղուկները:
Բացի ավիացիոն տեխնիկայի սպասարկումից, կանցկացվեն նաեւ ռազմական օդաթռիչքարանի օբյեկտների վերանորոգման-վերականգնման եւ ստուգման համալիր աշխատանքներ: Միավորման տարածքը բերվում Է շահագործման ուսումնա-մարտական ռեժիմի, իրականացվում են ինժեներական աշխատանքներ, պատրաստվում եւ վերականգնվում է թռիչքա-վայրԷջքային գոտին, ստուգվում են օդաթռիչքարանի սարքավորանքը եւ կապի ապարատները:
Շահագործման ամառային պայմաններին սպառազինության եւ ռազմական ավիացիոն տեխնիկայի պատրաստման միջոցառումներին ներգրավված են միավորման ինժեներա-տեխնիկական ծառայության ավելի քան 200 զինծառայողներ:
