Մարիա Շարապովան գրավել է WTA-ի վարկանիշի 262-րդ հորիզոնականը
Ռուս թենիսիստուհի Մարիա Շարապովան անցյալ շաբաթ հասավ մինչև Շտուտգարտի մրցաշարի կիսաեզրափակիչ, վաստակեց 185 վարկանիշային միավոր և գրավեց WTA-ի վարկանիշի 262-րդ հորիզոնականը: Վարկանիշի առաջին տասնյակում փոփոխություններ չեն գրանցվել. առաջատարն ամերիկուհի Սերենա Ուիլյամսն է:
Շարապովայի ներկայիս դիրքը վարկանիշային աղյուսակում թույլ չի տալիս նրան մասնակցել «Ռոլան Գարոսի» որակավորման փուլին:
Ավելի վաղ հաղորդվում էր, որ ռուս թենիսիստուհին կարող է Ֆրանսիայի բաց առաջնության մասնակցության wild card ստանալ: Մրցաշարում Շարապովայի հնարավոր մասնակցության մասին որոշումը կհայտարարվի մայիսի 16-ին:
Պատրաստեց Անի Գաբուզյանը
